शिवजयंतीला राज ठाकरेंचा खास संदेश

शिवजयंतीला राज ठाकरेंचा खास संदेश
मुंबई/प्रतिनिधी
छत्रपती शिवाजी महाराज यांना आदरांजली वाहत मनसे अध्यक्ष राज ठाकरे यांनी शिवजयंतीनिमित्त जनतेला खास संदेशही दिला आहे. मनसेच्या अधिकृत ट्विटरवरून राज ठाकरे यांनी आपले विचार व्यक्त केले आहेत. मनसेच्या ट्विटमध्ये शिवजी महाराजांच्या थोरवी सांगणार्‍या काही ओळी पोस्ट केल्या आहेत. त्याखाली राज ठाकरे यांचा भाषण करतानाचा फोटो आहे. त्या फोटोवर राज ठाकरेंचे विचार मांडण्यात आले आहेत.
ज्याच्या अंगी छत्रपती शिवाजी महाराज भिनले असतील तो माणूस जातीपातीचा विचार कधीच करू शकणार नाही, असे राज ठाकरे यांनी म्हटले आहे.
आज देशभरामध्ये छत्रपती शिवाजी महाराजांची जयंती मोठ्या उत्साहामध्ये साजरी केली जात आहे. पंतप्रधान नरेंद्र मोदी यांनीही ट्विटरवरून शिवजयंतीच्या शुभेच्छा दिल्या आहेत.